ភ្នំពេញ ៖
ជនសង្ស័យមានបក្ខពួក៤នាក់ជិះម៉ូតូ២គ្រឿង
ប្រដាប់ដោយអាវុធចំនួន៤ដើម
បានធ្វើសកម្មភាពភ្ជង់នឹងវាយជនរងគ្រោះបែកក្បាលប្លន់យករថយន្ត
មួយគ្រឿងម៉ាក Range Rover ស៊េរីឆ្នាំ២០១២
ពណ៌ខ្មៅ គ្មានស្លាកលេខ ហើយក្រុមចោរខំប្រឹងជិះគេចខ្លួន
លុះពេលរថយន្តបែកកង់ ពួកវាបានទុករថយន្តចោល
ហើយគេចខ្លួនបាត់ស្រមោល។
ហេតុការណ៍
ប្លន់ប្រដាប់អាវុធនេះបានកើតឡើងកាលពីវេលាម៉ោង
០៣និង១០នាទីទាបភ្លឺឈានចូលថ្ងៃទី០៤ ខែតុលា ឆ្នាំ២០១២
នៅចំណុចតាមបណ្តោយផ្លូវព្រះមុនីវង្ស កែងនឹងផ្លូវលេខ១៨៤
ស្ថិតក្នុងសង្កាត់បឹងរាំង ខណ្ឌដូនពេញ រាជធានីភ្នំពេញ ។
សមត្ថកិច្ចប្រាប់ឲ្យដឹងថា ជនរងគ្រោះមានគ្នា២នាក់ ទី១,ឈ្មោះ
ទាវ សារ៉ារិទ្ធ ភេទប្រុស អាយុ២៩ឆ្នាំ មុខរបរជាងធ្វើសក់
ស្នាក់នៅផ្ទះលេខ៩០ ក្នុងបូរីសុភមង្គល សង្កាត់ជ្រោយចង្វា
ខណ្ឌប្ញស្សីកែវ (របួសបែកក្បាលខាងក្រោយ) និងទី២,ឈ្មោះ
ប៉ែន សុបញ្ញា ភេទប្រុស អាយុ២១ឆ្នាំ បច្ចុប្បន្នរស់នៅផ្ទះលេខ១០៣
ផ្លូវលេខ១០៥ សង្កាត់បឹងកេងកងទី៣ ខណ្ឌចំការមន រាជធានីភ្នំពេញ (មិនរងរបួសនោះទេ) ។
ប្រភពព័ត៌មាន
ពីសមត្ថកិច្ចបញ្ជាក់ប្រាប់ថា
ជនរងគ្រោះទាំង២នាក់ត្រូវក្រុមចោរមាន
បក្ខពួក៤នាក់ជិះម៉ូតូពីរគ្រឿង ប្រដាប់ដោយអាវុធចំនួន៤ដើម
ធ្វើសកម្មភាពភ្ជង់ប្លន់នឹងវាយអ្នកបើកបររថយន្ត ឈ្មោះ ទាវ
សារ៉ារិទ្ធ នឹងស្នាប់កាំភ្លើងចំក្បាលពីក្រោយបែកក្បាលហូរឈាម
ប្លន់យករថយន្តខាងលើ ហើយក្រុមចោរបានជិះគេចខ្លួន
ធ្វើមានការភ្ញាក់ផ្អើលដល់អ្នកដំណើរ និងប្រជាពលរដ្ឋផងដែរ ។
សមត្ថកិច្ច
ប្រាប់បន្តថា បន្ទាប់ពីកើតហេតុប៉ូលិស ក៏ដូចជាប៉េអឹម ខណ្ឌដូនពេញ
ខណ្ឌចំការមន និងខណ្ឌមានជ័យ បានសហការគ្នាដោយបោះដៃរកគ្នា
តាមរយៈវទ្យុទាក់ទង នឹងធ្វើការតាមរក
ក៏ប្រទះឃើញរថយន្តរបស់ជនរងគ្រោះត្រូវបានក្រុមចោរ
យកទៅទុកចោលនៅចំណុចផ្លូវលំ ភូមិចំរើនផល សង្កាត់បឹងទំពុន ខណ្ឌមានជ័យ
ដោយសាររថយន្ត បែក កង់ខាងក្រោយ។
ក្រោយរករថយន្ត Range Rover ឃើញ
សមត្ថកិច្ចបានយកទៅរក្សាទុកនៅប៉េអឹមក្រុង ដើម្បីធ្វើកំណត់ហេតុ
ក្នុងការតាមស្រាវជ្រាវវែករកមុខក្រុមចោរ ដើម្បីយកផ្ដន្ទាទោស ទៅតាម
ផ្លូវច្បាប់៕
0 comments:
Post a Comment