ក្រុមតារាចំរៀង សាន់ដេ ចេញដំណើរ ទៅហុងកុង ថតរឿង "វិញ្ញាណបិសាច ជញ្ជក់ឈាម"

ភ្នំពេញ៖ បន្ទាប់ពីបានធ្វើសកម្មភាពថត ខ្សែភាពយន្តរឿង "វិញ្ញាណបិសាច ជញ្ជក់ឈាម" នៅក្នុងទឹកដីនៃប្រទេស ថៃរួចមក ក្រុមតារាចម្រៀងល្បីៗ របស់ផលិតកម្ម សាន់ដេ (Sunday) បានបន្តដំណើរ ទៅកាន់ទីក្រុង ហុងកុង ប្រទេសចិន ដើម្បីផ្តិតយកឈុតឆាក ជាច្រើនទៀត តាមការគ្រោងទុក ។
ការចេញដំណើររបស់ ក្រុមតារាចម្រៀង និងក្រុមបច្ចេកទេសថត របស់ផលិតកម្ម សាន់ដេ និងត្រូវចាកចេញ ពីប្រទេសកម្ពុជា នៅវេលាម៉ោង ១០ព្រឹក ថ្ងៃទី៦ ខែតុលា ឆ្នាំ២០១២ (ស្អែកនេះ) ដោយមានការរួម ដំណើរពីលោក ឡាយ សុខចំរើន ប្រធានគ្រប់គ្រងទូទៅ ក្នុងផលិតកម្ម និងតារាៗប្រុស ស្រី ជាង១០នាក់ផ្សេងទៀត។
តាមការឲ្យដឹងពីលោក ខេមរៈ ភារុណ បានប្រាប់ថា គម្រោងនៃការចេញទៅថត ខ្សែភាពយន្តរឿង "វិញ្ញាណបិសាច ជញ្ជក់ឈាម " នៅទីក្រុងហុងកុងនេះ គឺត្រូវចំណាយពេល យ៉ាងយូរបំផុត ១សប្តាហ៍ ដោយត្រូវចេញដំណើរ នៅថ្ងៃស្អែកនេះ នឹងត្រូវទៅដល់ ទីក្រុងហុងកុងប្រទេសចិន នៅថ្ងៃទី៧ ខែតុលា ឆ្នាំ២០១២ ហើយនឹងរៀបចំ ថតនៅថ្ងៃបន្ទាប់ ។
ជាការពិតរឿង "វិញ្ញាណបិសាច ជញ្ជក់ឈាម" ត្រូវបានលោក ខេមរៈ ភារុណ អះអាងថា នៅខ្វះប្លង់ថត តែក្រៅប្រទេសប៉ុណ្ណោះ ពោលគឺនៅខ្វះតែ ទិដ្ឋភាពរឿងទីក្រុងហុងកុង ក្នុងទីក្រុងនេះឯង ។ ពេលបញ្ចប់ ការថតត្រឡប់មកវិញ គឺយើងគ្រាន់តែរៀបចំ បច្ចេកទេសកាត់តជាការស្រេច ហើយនឹងគ្រោងដាក់ បញ្ចាំងក្នុងឱកាស ពិធីបុណ្យអ៊ុំទូក អកអំបុក និងសំពះព្រះខែ នៅពេលខាងមុខដ៏ខ្លីនេះ ៕

Posted in: News